नेपालबाट अमेरिका ल्याइएको भनिएको १३ औं शताब्दीमा निर्मित ठानिएको पद्मपाणी बुद्धको मुर्ति न्युयोर्कमा आज भएको एक लिलाम बढावढमा २४ लाख ९० हजार डलरमा विक्रि भएको छ । वाल स्ट्रीट जर्नलका अनुसार क्रिष्टीज भनिने एउटा कला संग्रहकर्ता कम्पनीले लिलामीमा राखेको उक्त मुर्तिलाई विक्रेताले अनुमान गरे भन्दा निकै बढि रकम तिरेर नाम नखुलेको एक खरिदकर्ताले किनेका थिए ।
बुद्धको विभिन्न स्वरुपहरु मध्ये एक कमलफुलधारी स्वरुप मानिने पद्मपाणी बुद्धको उक्त मुर्तिको १८ इन्च अग्लो छ र बुद्धको काँधमा कमलको फुल फुलेको छ । नेपालबाट ल्याइएको यस्तै बोधिसत्व, पद्मपाणी लोकेस्वराको ठानिएको मुर्ति न्युयोर्कको ‘मेट्रोपोलिटेन म्युजियम अफ न्युर्योक’ मा राखिएको देख्न सकिन्छ । जुन करिब ९ औं शताब्दी तिर निर्मित भनेर भनिएको छ ।
एउटा गरिबदेशको अमुल्य साँस्कृतिक धरोहर मानिएको यस्ता बस्तुहरु धनी मानिसका सजावटका साधन बनिरहेका छन् । नेपालको अमुल्य धरोहर ठानिएका यस्ता मुर्तिहरु अमेरिका र युरोपियन मुलुकका विभिन्न संग्राहलयहरुमा देख्न सकिन्छ तर खुलमखुल्ला यसरी विक्रि भइरहेको भने विरलै सुन्न सकिन्छ ।
नेपालको कमजोर सुरक्षा व्यवस्था, भ्रष्ट प्रशासन र भन्सारका कर्मचारीहरु र उच्च राजनैतिक नेतृत्वको मिलेमतोमा यस्ता अमुल्य निधीहरु विदेशीएका हुन भन्ने कुरामा शंकै छैन् । केहि जानकारहरुका अनुसार यसरी बेचिने मुर्तिहरु अनाधिकृत रुपमा बेचिएको पाइएमा सम्बन्धित देशमा नै फिर्ता गर्ने परम्परा छ । त्यसरी भारत तथा इजिप्टबाट ल्याइएका कयौं पुराना मुर्तिहरुलाई सोहि देशहरुमा फर्काइएको छ रे । यस्ता तपाईहरुसँग केहि विचारहरु छन् यस्ता मुर्तिलाई नेपाल फर्काउन ?
No comments:
Post a Comment